Modric kan duh - AC Milan director

AC Milan director Igli Tare chuan Luka Modric lakluh an tum thu a sawi a, Croatian midfielder hi team chhung uaptu an duh. Italian club hian season liam ta khan Supercoppa Italiana-ah chauh nomawi an chawi a, Serie A-ah pariatna an ni pha chauh.

Manager Paulo Fonseca hoin bul an ṭan a, Sérgio Conceição-a'n season chawhnu lamah a enkawl. Kuminah erawh team enkawl turin tawnhriat nei ṭha Massimiliano Allegri an la lut a, result ṭha zawk neih an tum ang.

Igli Tare chuan, "Team chhungah hruaitu kan mamawh a, Modric la lut turin kan inpeih. Kan team tan hmun pawimawh a chan theih kan ring a, nomawi beiseina kan neih theih nan a tawnhriat hi kan mamawh a ni," tiin a sawi.

Nimin lama thu thar berah chuan Milan leh Madrid te hi Modric chungchangah a thu phungin inremna an nei tawh a, FIFA Club World Cup zawhah AC Milan player anga tlangzarh a ni ang. Medical pawh July lama neih a ni dawn. Croatian midfielder Modric hian Club World Cup-ah Real Madrid tan a khel mek.

AC Milan director chuan goalkeeper Mike Maignan leh forward Rafa Leao te cham tur thu a sawi a, Theo Hernández erawhin chona thar hmachhawn a duh thu a sawi. French defender Hernandez hi Al Hilal nena sawi zawm a ni.