Gold Cup-ah a ṭha pariat a hriat ta

CONCACAF Gold Cup group stage chu nimin khan khelh zawh a ni a, quarterfinal khel tur a hriat kim. Panama, Honduras, Mexico, Saudi Arabia, Canada, Guatemala, USA leh Costa Rica ten knockout stage an lut a, team ṭha pariat an la dam vek avangin a hmuhnawm chho dawn.

Gold Cup-ah hian Mexico-in record an nei ṭha ber a, vawi kua an champion tawh. United States-in vawi sarih nomawi chawi tawhin pahnihna an ni a, Canada vawi khat an champion tawh bawk. Champion tawh team pathum hi an la dam vek.

Tun ṭum inelnaah inelnaah hian Saudi Arabia chu sawm bik an ni a, anni pawh hi knockout stage lut zingah an tel. Quarterfinal hi June 29-20, 2025 hian khelh a ni dawn.

Asia aṭanga team tel Saudi hian group stage-ah Haiti 1-0 in an hneh a, United States hneh lo mah se Trinidad and Tobago nen inhnehtawkin knockout stage an thleng hram. An khingpui tur Mexico erawh Dominican Republic leh Suriname te an hneh hnuah quarterfinal an lut a, knockout stage an luh chian hnuah chauh Costa Rica nen an inhnehtawk.

Chutihrualin United States hi champion rinkai an ni a, anni hi Mauricio Pochettino enkawl niin group stage-ah match thum khelin an chak vek. Pochettino hote hian quarterfinal-ah Costa Rica an hmachhawn dawn a, vanduai theihna a ni ang.