Phillips-a'n Liverpool a chhuahsan

Liverpool defender Nat Phillips chuan Anfield a chhuahsan a, Championship club West Bromwich Albion a zawm - a man zat hi pound maktaduai thum niin, a manah hian a khelh ṭhat dan a zira pek belh tur a tel.

Kum 28 mi centre back hian Anfield-ah kum khat bak contract a nei tawh lo a, season hman zawh takah khan Derby County-ah loan-a khelin, Championship club engemaw zatin an hel - a tawpah chuan Baggies lamin an chang ta.

English defender Nat Phillips hi Bolton Wanderers Academy chhuak niin, kum 2016 khan Reds hi a zawm. January 2020 khan Reds tana a match hmasa ber a khel a, 2020-21 season-a Liverpool-in tlarhnunga player inhliam rual an kawl lai khan, Rhys Williams

nen inkawpin, Reds ṭantute lakah hming an chher hle.

Mahse, defender class sang tia chhal tur an nih loh avangin hmun erawh an chang zui lo. Baggies a pan hma hian VfB Stuttgart, Bournemouth, Celtic, Cardiff City leh Derby-ah te loan-in a khel hman a ni.

Hetihlai hian Liverpool goalkeeper Harvey Davies chuan League Two club Crawley Town chu season khat chhung loan-a khel turin a zawm a, kum 21 mi hi Liverpool academy chhuak a ni.

Reds-ah hian Brazilian keeper ṭha mi Alisson chu first choice a ni mek a, Valencia aṭanga lakluh Giorgi Mamardashvili chu number 2 tur niin, tun nipui veka Hungarian club Puskas Akademia aṭanga pound maktaduai 1.5-a an lei Armin Pecsi chu third choice a ni ang.