Mount-a'n chhuah a tum lo

England international Mason Mount chuan Manchester United chhuahsan a tum lo a, English midfielder hian Ruben Amorim-a hnuaiah khelh phak ngei tumin theihtawp chhuah a tum.

Kum 26 mi Mount hian a inzirchhuahna Chelsea chhuahsanin July 2023 khan Manchester United hi pound maktaduai 55-in a zawm a, hliam vangin khelhna hun a chang tam tawk lo. Season hnih chhungin league-ah match 31 chauh a khel a, Old Trafford-ah a theihna angin a khel chhuak lo.

Portuguese manager Ruben Amorim-a erawh Mount hi a rin ngamah a ngaih theih a, Europa League final-a Tottenham an hneh ṭum loh ṭum pawhin Alejandro Garnacho bench-ah dahin a khelhtir.

Mount hi kum 26 mi chauh a ni a, ram tan match 36 khel tawh mah se 2022 World Cup quarterfinal-a France an hneh loh hnuah ram tan a inlan tawh lo. England tana khel pha leh turin club lama a chet ṭhat hmasak a pawimawh ang.