Arsenal keeper tur Kepa

Arsenal chuan Chelsea goalkeeper Kepa Arrizabalaga an lalut dawn a, tun kar chhungin inremna an nei fal hman dawn niin khawthlang chanchinbu te chuan an tarlang.

Kum 30 mi Kepa hian season hmasa khan loan hmangin Bournemouth tan a khel. Blues tana a contract neih laiah hian pound maktaduai nga a lei chhuah theih a ni a, Gunners chuan hemi zat hian an lei dawn a ni.

Spain international hlui Kepa hian North London club-ah hian amah ang bawka Spanish keeper David Raya nen an inel dawn a, coach Mikel Arteta chu Spanish mi a nih tho avangin a tlangnel nghal ang.

Kum 2018 khan Kepa hian a chawr chhuahna Athletic Bilbao aṭangin Chelsea a zawm a, pound maktaduai 72 man lai niin khawvela goalkeeper man tam ber a la ni reng a, Blues tan hian match 163 khelin nomawi pali a chawi pui hman a ni.

Bournemouth hma hian Real Madrid lamah loan hmang bawkin a lo chhuak tawh bawk a ni.