Boisson-i beiseina a tawp

French Open a khelh ṭhat avanga hriat hlawh Lois Boisson chuan Wimbledon khelh leh a tum a, mahse main draw thleng zo loin qualifying match-ah a tla nghal.

Kum 22 mi Boisson hian Roland Garros khelh zawh takah khan semifinal a lut a, Paris khawpuia inelna an neih ṭum khan duhsak takin wildcard pek a ni a, a tirah world number 361 ni mah se semifinal hial a thlen avangin number 65 laiah a kaisang.

Beiseina sang tak nen grass court season a hmang a, amaherawhchu world number 197 Carson Branstine lakah 6-2, 6-7 (1-7), 6-4 in a chak lo zawkah a ṭang, a zinkawng a tawp nghal bawk.