PBL khel tur an hrawl

Premier Badminton League (PBL) season hnihna chu nakkum Ja-nuary 1-14 chhung hian khelh a ni leh dawn a, hriat theih chinah khawvel huapa hmeichhe player langsar an inlan nual dawn.

World number 1 leh Rio Olympic gold medal-list Carolina Marin bakah world number 1 hlui Saina Nehwal, Olympic silver medallist PV Sin-dhu bakah infiam-na khawm-pui liana medal la tawh 16 zet an inlan dawn a ni.

PBL hi ni 15 chhunga neih zawh tura ruahman a ni a, he hunah hian China leh Japan shuttlers te erawh an ram lam tour-nament buat-saih hun nen a inhnaih-chilh avangin an inlan thei dawn loa ngaih a ni thung.

Team paruk Delhi Acers, Mumbai Rockets, Chennai Smashers, Hyde-rabad Hunters, Awadhe Warriors leh Bangalore Blasters te an inel dawn a, lawmman atan hian vaibelchhe ruk sem ral tur niin khawvel badminton inelnaa lawmman tamna ber tur a ni ang.

Badminton Associa-tion of India president leh PBL chairman ni bawk Dr Akhilesh Das Gupta chuan, "PBL ka buatsaih leh thei tur hi a lawmawm hle a, hei hian India ram chhungah infiamna a chawisan ngei ka beisei. Ram chhung hmun hrang hrang aṭangin mi
ṭhahnem takin badminton an ngaihven nasat phah hle tura ngaih a ni," a ti.

National coach leh PBL Chief Advisor ni bawk Pullela Gopichand chuan, "Rio Olympic-ah khan Indian shuttler-te vangin kan ram mipuiin bad-minton an ngaihven phah hle a, tunah league ropui tak kan neih leh dawn tak avangin hmasawnna kan neih belh zel," tiin a sawi.

Kumin Janury 2-17 chhung khan PBL hi neih a lo ni tawh a, final-ah Delhi Acers chuan 4-3 a Mumbai Rockets hnehin an champion.