Beijing Guoan-in Rooney an sawm

Chinese Super League club Beijing Guoan honorary chairman Luo Ning chuan Wayne Rooney chu an club tana khel turin sawm mah se Man-chester United captain hian Premier League-a khelh chhun-zawm a thlan zawk thu a sawi.

Kum 31-a upa striker hian Jose Mourinho hnuaiah inkhel bul a ṭan phak meuh tawh lo a, Premier League season kal mekah match 10 khel tawhin goal khat chiah a la khung bawk.

Brazil international Renato Augusto leh Turkey striker Burak Yilmaz kawltu Beijing Guoan honorary chairman Luo Ning chuan, "Season ṭantir khan Rooney hi lakluh tumin kan dawr ngei a, mah se Premier League lama khelh chhunzawm zel a thlang ta zawk a ni," a ti.

Luo Ning chuan sawi chhun-zawmin, "Rooney-a'n min chhanna chu a hriselnain a tlin chhung chu Premier League-a khelh a tum thu a ni a, a agent Paul Stratford nen pawh indawr ngei mah ila beisei angin thil a kal ta lo a ni," tiin tun hnaia chhuak tur anga sawi Rooney-a'n Old Trafford a chhuahsan loh hmel hle.