A vawi khat nan Cavs an chak lo

NBA champion Cleve-land Cavaliers chuan tun season-a a vawi khat nan hneh lo an tawng ta. Le-Bron James-a khelhna Cavs hi Atlanta Hawks lakah 110-106 in a chak lo.

Nimin zing khan Quicken Loans Arena-ah Cleveland hian regular season-a an match sarihna khelin Hawks nen an inbei tawk hle a, quarter hmasa berah 20-20 a ni. Quarter hnihna bikah Hawk che fuhin 33-22 in hma an hruai a, a tawp thlenga an chungnun theihna chhan a ni.

Cleveland tan hian Kyrie Irving chuan thawh hlawk berin point 29 a nei a, ani bakah hian Kevin Love (24) leh James (23) te an che ṭha hle. Mahse, Hawks tan Dennis Schroder (28) bakah Kent Bazemore (25) leh Paul Millsap (21) te an chet ṭhat miau avangin an chak loh ṭum an tawng.