East Bengal player thar Wedson Anselme

I League club East Bengal chuan season thar atan Haitian striker Wedson Anselme an lalut a, kum 30-a upa striker hi Mohun Bagan winger Sony Norde khelhna ṭhin Bangladesh club ṭha Sheikh Jamal Dhanmondi aṭangin Kolkata club hian an lalut a ni.

Anselme hian Bangladesh club tana a khelh hma hian Dominican Republic club ṭha San Cristobal FC leh Haiti club Aigle Noir AC tan a khel ṭhin a, Sheikh Jamal Dhanmondi tan hian league match 47-a inlanah goal 35 a khung thei.

East Bengal hi an striker chhuanvawr Ranti Martins chuan Malaysian Super League club
ṭha Penang FA a zawmsan a, I League chan-china goal khung hnem ber Nigerian striker aiawh tur hian Anselme hi an lalut ta a ni.