Thla hnih chawl tur Kroos

Real Madrid mid-fielder Toni Kroos chu Pa-thian-ni zan La Liga-a Leganes 3-0 a an hnehna inkhela a hliam enfiah a ni a, Germany international hi a ke phah ruh a tliak tih hmuhchhuah a nih avangin thla hnih tal chu inkhel loa a chawlh a ngai dawn.

Zinedine Zidane en-kawlna hnuaiah Toni Kroos hi player pawi-mawh pawl a ni a, tun season-ah Real tan inelna hrang hrangah match 11 khelin 90 minutes a khel kim vek a ni. Bayern Mu-nich midfielder hlui hian a hliam vang hian November 19 zana Atle-tico Madrid nen an match pawimawh a khel thei dawn lo tihna a ni a, thla tharah El Clasico-ah Bar-celona a hmachhawn theih dawn loh bakah December 16 aṭanga neih ṭan tur FIFA Club World Cup-ah Spanish club tan hian a feh--chhuak thei lo bawk ang.

Kum 26-a upa midfielder hian Germany-in San Marino leh Italy an hmachhawn hunah pawh ram ai awh thei dawn lo tihna a ni. Spanish club Real hian hliam vangin Brazilian midfielder Case-miro an chan mek bawk a, midfield laia khel turin hliam damkawr Luka Modric leh Mateo Kovacic te chiah an nei rih.