Chak vek tum Chhinga Veng

Flying Christabel Mizoram Premier League Under 18 chu vawiin hian Lammualah khelh chhun-zawm a ni dawn a, result-in nghawng lian tham a nei dawn lo. Amaherawhchu match ruk khelh tawha la chak vek Chhinga Vengin anmahni hnaih bertu Chanmari West FC an hneh thei a nih chuan league round-ah an chak fai vek dawn tihna a ni a, inchhuanna tham a tling ang.

Vawiin chawhma dar 10:00 hian Dinthar FC leh Ramhlun North FC te an inkhel dawn a, club pahnih hian semifinal an lut thei tawh lo. MPL Under 18 vawi li khelh tawha final la lut vek Dinthar FC-in MPL5-ah chak hmel an la hmu lo a, match ruk khelhah point khat chiah an la hmuh avangin mualpho hliah khuh nan Ramhlun North hneh hi a ṭul.

Chhun dar 12:00-ah Chhinga Veng an inlan dawn a, anni hi an match zawng zawngah an la chak vek bakah goal thum chiah an la chhuah a, Aizawl FC nen goal chhuah tlem ber a ni. MPL kaithar khingpui tur Chanmari West hian chetsual zeuh nei mah se tunah chuan an insiam-
ṭha tawh a, match ruk leka goal 31 khung thei an nih avangin an team ṭha an ni.

ROUND 7 - Lammual

VAWIIN INKHEL TUR

10:00 AM Ramhlun North FC Vs Dinthar FC

12:00 AM Chanmari West FC Vs Chhinga Veng FC

November 11, Zirtawpni

10:00 AM Aizawl FC Vs Chanmari FC

12:00 AM Bethlehem VT Vs Zo United FC

Team Dinhmun

# Team Pld W D L GF GA GD Pts

1 Chhinga Veng FC 6 6 0 0 19 3 16 18

2 Chanmari West FC 6 4 1 1 31 6 25 13

3 Aizawl FC 6 4 0 2 11 3 8 12

4 Bethlehem VT 6 3 1 2 11 10 1 10

5 Chanmari FC 6 3 0 3 7 14 -7 9

6 Zo United 6 1 1 4 5 19 -14 4

7 Ramhlun North FC 6 1 0 5 3 13 -10 3

8 Dinthar FC 6 0 1 5 3 22 -19 1