Athletic Bilbao tan final a hnai

Copa del Rey semifinal first leg-ah Nilaini zan khan Athletic Bilbao-in hnehna an chang a, an mikhual Granada chu 1-0 in an hneh. 

Athletic Bilbao tan goal awmchhun hi Iker Muniain-a'n minute 42-naa a khung a ni a, Manchester United nen pawha sawizawm lo hlawh fo tawh Inaki Williams siamsak a ni. 

Kum 12 chhunga a vawi li nana final khelh tum Bilbao goal hi Williams hian a kutin ball a control telah ngaiin VAR hmanga ennawn a ni a, a tawpah an pawmsak. 

Athletic coach Gaizka Garitano chuan, "Goal tam zawk khung thei kan ni. Chutihrual chuan 2-0 pawh ni se second leg khelh tur a la awm a, a la tawp lo," a ti. 

Nizan semifinal inkhel dangah Real Sociedad leh second-division club Mirandes an inkhel a, result kan hre hman lo.