Mizoram XCO : 3 Days to go

Mizoram Cycling Association (MiCA) chuan July 1, Thawhlehni hian Thenzawl AH & Vety Farm-ah thirsakawr intlansiak 'Mizoram XCO 2025' a buatsaih dawn. Inelna ṭan nan ni thum chauh a awm tawh.

Mizoram XCO 2025 hi chi hrang pathum elite (open), junior (kum 19 hnuai lam) leh masters (kum 40 chunglam) ah ṭhen a ni a, an tlan thui zawng tur hi 3.5 km a ni ang. Khawchin a zirin a tlan kual zat tur hi siam a ni dawn a, tuna ruahman dan chuan junior leh master ten vawi nga an tlan kual ang a, elite-in vawi riat an hel thung ang.