Dr D. Baruah Chess C'ship

Mizoram Chess Association buatsaih 22nd Dr D. Baruah Chess Championship chu nimin khan Ramhlun Indoor Stadium-ah khelh zawh a ni a, inelna hian ni hnih chhung a awh.

Dr D. Baruah Chess C'ship hi kum bithliah inelna a ni a, tun ṭumah hian category pathum Under 9, 13 leh 17-ah an ṭhen. Under 9-ah player pariat telin Magnus Zosangpuia Zote chu pakhatna a ni a, under 13-ah player 31 telin C. Lalmuanzuala chu pakhatna a ni.

Under 17-ah player 46 telin an tel tam ber a, Johnson Zoremthara a ding chang. Inelnaah hian player 84 an tel a, a hlawh tling hle. Tun ṭum inelnaa thupui atan, "Rilru chak nan Chess khel ṭhin rawh aw," tih hman a ni.