FIFA Club World Cup: European club pathum an tla

FIFA Club World Cup 2025-ah Europe aṭangin club 12 an tel a, team thumin knockout stage an lut zo lo. Group A-ah Porto-in Palmeiras leh Lionel Messi telna Inter Miami an tluk pha lo a, group B-ah European champion Paris Saint-Germain-in hma hruai mah se Atlético Madrid erawh an vanduai thung. Group H-ah Red Bull Salzburg an tling zo lo bawk a, European club 12 aṭangin team pakua an la dam tihna a ni.

Last 16-a European club pakuate chu Benfica, Chelsea, Inter Milan, Manchester City, Paris Saint-Germain, Bayern Munich, Real Madrid, Juventus leh Borussia Dortmund te an ni. Asia aṭangin Al Hilal chiah an dam tawh a, inelna thlengtu USA aṭangin Inter Miami la telin, Mexican club Monterrey an la tel bawk.

South America aṭangin Brazilian club pali Botafogo, Palmeiras, Fluminese leh Flamengo te an la dam a, Argentine club dam an awm tawh lo. River Plate leh Boca Juniors ten group stage an paltlang thei lo. Club World Cup final hi July 13, Pathianni zan dar 12:30-ah khelh a ni ang.