Semifinal-ah Swiatek a lut

Iga Swiatek chuan Wimbledon inbuatsaihna a hmang ṭha zel a, Ningani zan khan Ekaterina Alexandrova chu 6-4, 7-6 (5) a hnehin Bad Homburg Open khelh laiah semifinal a lut.

World number 1 hlui Swiatek hian final lut tur chuan nikum Wimbledon finalist Jasmine Paolini a paltlang leh a ngai ang, ani hian quarterfinal inkhel dangah Beatriz Haddad Maia chu 7-5, 7-5 in a lo hneh ve thung a ni.

Season hnih liamta khan Swiatek hian Bad Homburg Open semifinal hi a lo khel tawh a, tunah a thleng leh ta chiah - atan chuan chanchin lawmawm a ni a, kar leh aṭanga khelh tur Wimbledon atan pawh beisei a neih san phah ang.

Polish nula hian French Open nomawi vawi thum bakah US Open 2022 title kha a la thei a, mahse grass court inelna lianah a la hlawhtling lo thung; kuminah pawh hian a buk rit zinga mi a ni phak dawn lo a ni.