US-ah Werner a pem hnai

RB Leipzig forward Timo Werner chu Major League Soccer lama pem thei dinhmunah a ding mek a, New York Red Bulls nen an indawr mek.

Kum 29 mi Werner hian tun hnai thla 18 chu Tottenham Hotspur-ah loan-in khel a, mahse, match 41-ah goal thum chiah khungin, assist vawi sarih a nei.

Spurs hian loan hun zawhah a ngheta lakluh theihna dan nei mah se, Leipzig lamah an kirtir. Mahse, Germany tan vawi 57 inlana goal 24 khung theitu hian Leipzig-ah hmun a chan chhunzawm a beiseiawm lo a, MLS lam a hawi.

New York club hian hun rei tak Werner hi an lo rim tawh a, an lakluh ngei a rinawm.