Siaha-ah AIFF D Licence Course

Mizoram Football Association buatsaih AIFF 'D' Licence Coaching Course chu nimin ṭang khan Siaha-ah ṭan a ni a, July 5, Inrinni thleng a awh ang. Course Instructor hi K. Lalrindika a ni a, Mission Vengthlang pa Dika hi AFC 'A' Licence leh AIFF Coach Educator a ni. Co ordinator-ah Beikhokhei, Siaha a awm bawk.

Tun ṭum D Licence Course atan hian mi 25 thlanchhuah a ni a, mipa 24 leh hmeichhe pakhat an tel. Hmeichhe tel awmchhun hi India aiawh pawha khel tawh Grace Lalrampari a ni a, Mizo hmeichhe footballer tana sulsuttu a ni.

Course chhimtu zingah Mizoram aiawh pawha fehchhuak fo tawh MC Malsawmzuala tel a, I League inelna hnuhnung bera Delhi FC tana captain armband hial hreng thei Lalbiakzuala (Btea) a tel bawk.