Lianzuala a vanduai
Thawhlehni zan Indian Super League inkhelah Chennaiyin FC chuan goal khung loin ATK Mohun Bagan an inhnehtawkpui a, Mizo tlangval Lallianzuala Chhangte vanneih zan a ni lo.
Chennai club tana khel Lianzuala hian goal khungna remchang ṭum hnih a nei a, mahse a hun ṭha neih pahnih hi goal-ah a chantir thei lo ve ve - second half-a a chance neih Bagan keeper Arindam Bhattacharja-a'n a kut hmawra a lo dan hmante chu pui tak a ni.
Kolkata tlangval Arindam-a chet ṭhat zan a ni a, kum 31 mi keeper hian target-ah shot vawi sarih zet a hmachhawn a, a dang vek - hetihlai hian Chennaiyin goalkeeper Vishal Kaith pawhin hna a nei ve reng a, Australian forward David Williams-a shot a dante chu a pui hle.
Chennaiyin tan hian Jerry Lalrinzuala chuan inkhel bul a ṭan ve bawk a, Bagan lamin Mizoram player kawl an nei lo thung - Bagan-in point an hlawhchhuah avangin table chung berah match riat khelha point 17 neiin an awm a, Chennaiyin erawh match riatah point 10 chiah an la neih avangin pasarihna an ni mek thung.
Inkhel Result
Chennaiyin FC 0 - 0 ATK Mohun Bagan
Zanin Inkhel Tur
Hyderabad FC 7:30 PM FC Goa