MiCA buatsaih Mizoram XCO a hlawhtling

Mizoram Cycling Association (MiCA) chuan nimin khan Thenzawl AH & Vety Farm-ah thirsakawr intlansiak 'Mizoram XCO 2025' a buatsaih a, inelna a hlawhtling. Inelna hi chi hrang pathum elite (open), junior (kum 19 hnuai lam) leh masters (kum 40 chunglam) ah ṭhen a ni a, inelna ngaihhlut hlawh ber Elite (Open)-ah Sihfa tlangval Mesak Vanlalvena chu pakhatna a ni.

An tlan thui zawng hi 3.2 km a ni a, elite hian vawi riat hialin junior leh master ten vawi nga an tlan thung. Kum 19 hnuai lam inelna Junior-ah Saitual rawlthar Laltlanhlua chu pakhatna a ni a, kum 40 chunglam inelna Masters-ah Michael Lalremruata, Zemabawk chu pakhatna a ni thung.