Club nei lo Thomas Partey!

Thomas Partey chu khelhna tur bik club nei loin a awm mek - June 30, Thawhṭanni khan Ghanaian international hian Gunners tana a contract a hmang zo a, an pawhsei loh avangin man nei loin a duh lam a hawi thei dawn tihna a ni.

Kum 32 mi Partey hian Atletico Madrid aṭangin 2020 khan Arsenal hi a zawm; North London club tan hian season nga chhungin, inelna hrang hrangah match 167 khelin goal kua a khungsak.

Hliamin a tibuai fo - Premier League bikah phei chuan season hnih chauh match 30 khelh tlin a nei, season hmasa khan match 35 khelin a inlan tam ber ṭum a ni, player ṭha tak ni mah se inkhel thei loin a awm chang a tam.

Arsenal nen hian hun rei tak chhung an indawr a, mahse contract rei zawng leh a hlawh turah an inrem thei lo. Gunners hian Brentford captain Christian Norgaard an la dawn tih a chiang tawh thung a ni.