US-ah khaw lum vangin inkhelh a harsa

Juventus manager Igor Tudor chuan, Club World Cup-a Real Madrid an ngam loh hnu lawkin, khaw lum vanga inkhelh an tan a harsat thu a sawi a, a player 10 ngawtin thlak tura an ngen thu a sawi.

Real leh Juve inkhelh laia khaw lum zawng hi 30C a ni a, a khaw lum dan a uap hle bawk. Mahse, CWC-ah match khatah player panga bak thlak theih a ni lo a, extra time khelhin player paruk thlak theih a ni thung.

Tudor chuan, "A tawpah chuan player 10 ngawt khan thlak an duh a, an chauh dan chu pui tak a ni. Match khelh a harsa a, player-te a tizuai. A sa em em a, a lum uap churh bawk," a ti!

US-a Club World Cup khelh mekah hian, Borussia Dortmund manager Niko Kovac pawhin khaw lum lutuk chuan inkhelh a tihharsat thu sawiin, "In khung lum uap ang mai ka ni," a ti a, Chelsea manager Enzo Maresca chuan, "Training pangngai tak kalpui pawh a harsa," tiin a lo sawi ve bawk.