Arm Wrestling Championship-ah Mizoramin medal 21 la

National Arm Wrestling Championship 2025-ah Mizoram team chuan gold medal 10, silver medal 9 leh bronze medal 2 a la. Inelna hi June 28 aṭanga July 2, Nilaini thleng khan Thrissur, Kerala-ah neih a ni.

Sports minister Lalnghinglova Hmar chuan, "Mizoramin hetiang zat medal an la thei hi ka chhuangin thinlung takin ka lawmpui a, player leh team official-te bakah Mizoram Arm Wrestling Association (MAWA) hruaitute ka lawmpui takzet a ni," a ti.