MetLife Stadium-ah semifinal leh final

FIFA Club World Cup semifinal match hnih leh final hi MetLife Stadium, East Rutherford-ah vek khelh a ni dawn. Stadium hi American football club New York Giants leh New York Jets te inkulhna ni mah se football match pawh a thleng fo tawh.

European club-ten American tour an neih pawhin MetLife Stadium-ah hian an khel fo tawh a; July 23, 2023-a Manchester United-in friendly match-a Arsenal 2-0 a an hneh ṭum khan entu 82,262 zet an pungkhawm. Nikum August 3 khan Barcelona leh Real Madrid te pawhin friendly match an nei a, entu 82,154 an awm.

Kuminah pawh Manchester United Vs West United bakah Everton Vs Bournemouth te inkhel a thleng dawn. Stadium hi kumin Club World Cup quarterfinal-a Real Madrid leh Borussia Dortmund te inkhelhna tur a ni a, group match panga khelh a ni tawh. Tun ṭum CWC inkhelah erawh entu 50,000 tlin a la awm lo thung.