An ramah Giroud a kir

Olivier Giroud chuan Major League Soccer club Los Angeles FC chhuahsanin France lamah a kir leh ta a, Ligue 1 club Lille tan season khat daih contract a ziak.

Giroud hian Septem-ber-ah kum 39 a tling tawh dawn - June 30 khan LAFC tana a match hnuhnung ber a khel tihna a ni a, tunah chuan kum 13 a chhuahsan tawh Ligue 1 bawk a khel leh dawn ta tihna a ni.

Montpellier tana Ligue 1 champion lo ni tawh Giroud chuan, "France hi kan ram a ni a, chumi hmunah ngei ka inkhel leh thei tur hi ka lawm. Lille hi team ṭha leh theihna nei sang an ni a, an zinga ka tel thei tur pawh hi ka lawm," tiin a sawi.

Giroud hian Arsenal leh Chelsea bakah AC Milan tan pawh a lo khel tawh. France tan match 137 a khelh aṭangin goal 57 a khung a, an ram tana goal khung tam ber niin nikum khan international football a chawlhsan tawh thung.