Bournemouth-ah Semenyo a nghet

Premier League club Bournemouth chuan an winger Antoine Semenyo chu inremna an ziahpui. Vitality Stadium-ah kum 2030 thleng cham chhunzawm turin inremna an ziak fel a ni.

Kum 25 mi Semenyo hian Bristol City aṭangin kum 2023 January khan Bournemouth hi a zawm a, a club tan hian match 89 khel tawhin goal 22 a khungsak tawh; season hmasa khan goal 13 khungin, team tan a ṭangkai thei hle.

Ghana forward Sem-enyo chuan, "Khelmual chhung leh pawn lamah nasa takin ka puitlin phah a, ka tan chuan hun rei zawk daih contarct ziah hi thil lawmawm tak a ni," tiin a sawi.

Nipui bazar chhungin Bournemouth player Milos Kerkez (Liverpool) leh Dean Huijsen (Real Madrid) te an chhuak tawh a, manager thar Andoni Iraola tan chuan Manchester United, Liverpool leh Tottenham ten an hel Semenyo chelh theih hi thil lawmawm bik a ni ngei ang.