Ngura'n gold leh silver medal a la

Mizoram police ṭang lai Ngurthanzauva Sailo chuan World Police & Fire Games neih zawk takah gold leh silver medal a hlawh chhuak.

Mizo pa-chak intihsiakna huangah pawh hming chher tawh Ngura hi arm-wrestling 110+kg huangah a khel a, ding lamah gold medal elh chhuakin vei lamah silver medal a el chhuak thung a ni.

Khatla Veng tlangval Ngura chuan, "Mizoram Police tan theihtawp kan chhuah a, medal kan hlawh chhuak ve thei hi a lawmawm hle. Kan hotu ten hun remchang min siamsak avangin a lawmawm a, min tlawptu zawng zawng chungah lawmthu ka sawi bawk," tiin Vanglaini a hrilh.