Boxing champion Fakmawii

Lalfakmawii Ralte, Vaivakawn Zohnuai nula chuan Birmingham, Alabama, USA-a World Police & Fire Games neihah Indian Police tan Boxing (Below 80kg category) a gold medal medal a hnek chhuak.

Fakmawii hi 25th Battalion SSB a service lai mek a ni a, tun ṭumah hian India tan inlanin sulhnu chhinchhiah tlak tak a hnutchhiah ta a ni.

Sports minister Lalnghinglova Hmar chuan, "Police ṭha hrang hrangte inelna huangah Lalfakmawiin Ralte a champion thei hi ka lawmpui a, Mizo min ti hmingṭha hle a ni," tiin a sawi.

World Police and Fire Games-ah tho hian Lalhumhimi, Zemabawk North chuan Judo (52 kg category) ah gold medal a lo hlawh chhuak tawh bawk.