Pogba-a'n a club hlui hmachhawn thei dawn lo

Ligue 1-ah Monaco-in an match hmasa berah Le Havre an hmachhawn dawn a, club director Thiago Scuro chuan Paul Pogba a la inlan theih loh tur thu a sawi.

AS Monaco director Thiago Scuro chuan, "Kan zinga Paul Pogba tel thei tur hi kan lawm a, mahse Le Havre hmachhawn turin a la inpeih lo. Inkhel tura inpeih at tur chuan thla thum vel pawh a mamawh thei ang," tiin a sawi.

Kum 32 mi Pogba hi a naupan laiin Le Havre-ah kum hnih chhung a zir a, heta ṭang hian Manchester United a pan. French midfielder hian Man United leh Juventus tan a khel ve ve a, kum 2023 khan Italian club tana khelh lai hian damdawi hman phal loh a hman avangin kum li chhung inkhel thei lo tura hrem a a, hremna hi thla 18-ah tih hniam leh a ni.

November 15, 2025 khan Pogba leh Juve hian inhriatthiam tawnain contract an ti tawp a, hremna a hman zawh hnuin June 28, 2025 khan an ram club an ram club Monaco a zawm. France tana vawi 91 inlan tawh Pogba hi kum 32 mi chauh a la nih avangin inelna sang hmachhawn leh thei tura ngaih a ni.