La Liga president-in Club World Cup sawisel

La Liga president Javier Tebas chuan team 32 inelna FIFA Club World Cup chu na takin a sawisel a, a thlen nawn tawh loh nana theihtawp a chhuah tur thu a sawi hial.

Tebas chuan, "Club World Cup khelh a nih tawh loh nan ka theihna zawng ka chhuah ang. Inelna hmachhawnten sum an dawn tam avangin anmahni ram league-ah inelna boruak a ti chhia. An inelna avang hian calendar siam a buaithlak vek bawk.

"Club World Cup an khelh avangin chawlh tam an dil a, mah se inelna an hmachhawn avangin €140 mtd (£121mtd/$165mtd) an dawng thei a, chu chu Alaves budget let daih a ni. Heti chung hian La Liga inbuatsaihna hun an dil belh," tiin a sawi.

La Liga president Javier Tebas hian Club World Cup khelte hi chawlh a pek belh a rinawm lo a, chutihrualin Real Madrid hian final thleng ta se chuan La Liga khelh hmain friendly match khelhna hun pawh an neih theih a rinawm loh thung.