Captain Gill-a'n 269 runs siam

India leh England ten July 2, Nilaini aṭang khan Edgbaston-ah Test match vawi nga an khelh tura vawi hnihna an khel ṭan a, first Test-a chak tawh mual neitu lam hian vawm hmasak an thlang.

Men in Blue opener Yashasvi Jaiswal-a'n 87 runs a siam a, team dinhmun ti ṭhatu tak erawh captain Shubman Gill a ni. Gill hian 269 runs a siam a, Ravindra Jadeja ten 89 runs rawn belhin tailender lam che ṭha lo mah se mikhual team hian first innings-ah 587 runs an siam.

England hian first innings-ah bul anṭan ṭha tawk lo a, Ben Duckett leh Ollie Pope te an duck out. Nizan khan ni thumna khelh chhunzawm a ni a, England hi an insiamṭha viau a nih loh chuan chak a harsa tawh dawn. Chutihrualin Test match a nih miau vangin India tan chak hi awlsam dawn lo a, England-in a chhe berah draw an tum ang.