Tomiyasu a chhuak dawn

Arsenal leh an defender Takehiro Tomiyasu chu inhriatthiam tawnna in an inṭhen dawn, Japan international hian season khat daih contarct la nei mah se, a hun a hmang zo dawn ta lo tihna a ni.

Kum 26 mi Tomiyasu hi a khup hliam zai a ni a, kum 2023 daih tawha zai kha ni mah se a nghawng a na hle, season hmasa khan minute ruk bak a inkhel lo; match 79 a khelhsak tawh club chu a chhuahsan dawn ta a ni.

Gunners defender dang Kieran Tierney chu Celtic lamah a kal tawh a, mual sira khel ṭhin Oleksandr Zinchenko pawh a chhuah ngei a rinawm, an tlarhnung ti chak turin Valencia centre-back Cristhian Mosquera an ngaihven mek thung.

Sporting director thar Andrea Berta hnuaiah Arsenal an bazar mek zel a, an squad an ti danglam zel dawn niin a lang - September tir thleng hun an nei dawn a ni.