Chelsea-ah Gittens a lut

Chelsea chuan winger Jamie Gittens chu Borussia Dortmund aṭangin an la fel, an player thar hi pound maktaduai 48.5 man niin, a khelh ṭhat dan a zirin pound maktaduai 3.5 danga san belh leh thei tur a ni bawk.

Kum 20 mi Gittens hian 2020 khan Manchester City aṭangin Dortmund hi a pan a, German club tan ian inelna hrang hrangah match 107 khelin goal 17 a khung bakah a ṭhiante khung tur vawi 14 a siamsak bawk a, tunah chuan Stamford Bridge-ah season sarih cham turin contract a ziak ta a ni.

Tun nipui bazar chhungin Blues hian Ipswich Town striker Liam Delap, Brighton & Hove Albion forward Joao Pedro, Sporting midfielder Dario Essugo leh Strasbourg defender Mamadou Sarr te an la fel tawh bawk.