CYMA Futsal: Team 13 inziaklut tawh

Central YMA leh Mizoram Football Association ṭangkawp chuan July 28, 2025-a ṭan turin LBS Suzuki 1st Inter Branch YMA Futsal Tournament 2025 a buatsaih dawn a, team 13-in entry fee an pe tawh. Entry fee hi July 16, 2025 thleng a pek theih ang.

Ramhlun Venglai, Tlangnuam, Tanhril Vengthar, Venghlui, Ainawn, Edenthar, North East Khawdungsei, Chanmari West, Mission Veng, Kulikawn West, Saikhamakawn, Zonuam leh Republic Veng ten entry fee an pe tawh a ni.

Mizoram Football Association-in kuminah CYMA Futsal chauh futsal inelna an buatsaih dawn a, tun season-a inelna tam zawk erawh nakkum lama buatsaih turin an dah. January 2026-ah Division One Season Opening khelh a ni ang a; February leh March, 2026-ah Futsal League leh Veteran khelh a ni ang.

Division One Season Ending hi May 2026-ah khelh tum a ni a, May thla vek hian Inter School Futsal inelna buatsaih tum a ni bawk.