West Ham-in Kudus duhtu Spurs an hnar

Tottenham Hotspur chuan West Ham forward Mohammed Kudus chu lakluh tumin thlithlai mah se, Hammers hian an lo hnar a, Spurs-in an dawrna zat hi pound maktaduai 50 a tling.

Hammers hian Spurs dawrna hmasa hi hnar mah se, indawrna erawh kalpui chhunzawm a ni a, Thomas Frank-a hnuaia khel tur Tottenham hian an lungawina zan sum an thehchhuah theih chuan Kudus hralh hi an pawiti lo niin a lang.

Kum 24 mi Kudus pawh hian a chhuak dawn a nih chuan Spurs zawm hi a duh nia sawi a ni a, club pahnih an inrem thei a nih chuan mimal thilah chuan harsatna a awm lo tura ngaih a ni.

West Ham hian Kudus hi August 2023 khan Ajax aṭangin an la lut a, £35.6mtd pe phawtin a khelh ṭhat dan a zira £2.5mtd pek belh turin an inrem. David Moyes enkawlna hnuaiah match 48 khelin goal 18 a khung nghal a, assist vawi 10 a nei bawk.

Mahse, season hman zawh takah erawh kha chuan a chuti lua lo. Match 35-ah goal nga khungin, assist vawi li a nei hram. Kudus hian Hammers chhuahsan theihna dan a contract-ah a nei thlap a, mahse, a sang deuh thung!

Ghana international release clause hi July 10 thleng chauh nungin, European club tan £80mtd, EPL club tan £85mtd niin, Saudi Arabia club tan £120mtd a ni.