Messi-a jersey duhtu Sterling
Manchester City forward Raheem Sterling chuan player dang zawng zawng aiin, Argentina leh Barcelona captain Lionel Messi chu jersey inthleng pui a chak thu a sawi chhuak.
Man City leh Barcelona te hi tun hmain Champions League-ah an intawng tawh a, hemi ṭum hian Sterling chuan Neymar chu jersey inthleng puiah a sawm a, an inthleng.
England international Sterling chuan, "A nihna takah chuan jersey inthleng pui ka duh ber chu Messi a ni. Barcelona nen kan inkhelh ṭum khan Neymar nen kan inthleng, ka hriat chinah kawr hak inthleng puia ka sawm hmasak ber a ni.
"Player hrang hrang nen jersey kan inthleng fo a, mahse ka inah ka tar chhuak ve lem lo. Ka inlengte hnenah football player ka nih hi hrilh hriat kher ngai ka ti lo a, kan chhungkaw inrelfel dan sa zawm mai chu ka duh dan a ni," tiin a sawi.
Kum 25 mi Sterling hi khawvel player ṭha langsar zinga tel phak a ni a, inkhelh a chawlhsan hnua en let atan a khingpui leh a ṭhiante jersey kawl khawm zel chu a pawi tih loh thu a sawi bawk.