Final kan thleng thei hi kan inchhuang - Maresca

Chelsea-in FIFA Club World Cup final an thleng a, European club an champion dawn tih a chiang nghal bawk. Enzo Maresca hoin Blues-in Europa Conference League nomawi an chawi tawh a, Club World Cup an chawi leh thei a nih chuan hlawhtlinna ropui tak a ni ang.

Blues boss Enzo Maresca chuan, "Kan lawm takzet a, final kan thleng thei hi kan inchhuang. Tun hi Club World Cup kalphung thar hmasa ber a ni a, khawvel club ṭha ber ber an tel. Hetiang kara Pathiannia final kan khel tur hi inchhuanna tham a ni," tiin an hlawhtlinnaah a lawm hle.