Mipa semifinal

Wimbledon mipa semifinal chu nizan khan khelh a ni a, player ṭha pali inkhel hi result kan hre hman lo - Pathianni zanah mipa pawhin final an khel zui dawn a, semifinal khel zinga pahnih chu tun hma lama lo champion tawh an ni.

Carlos Alcaraz leh Taylor Fritz an intawng a, world number 2 Alcaraz hi a zawna vawi hnih Wimbledon champion thei a ni a, kuminah a champion leh a nih chuan a zawna vawi thum champion thei player pathumna a ni ang.

Semifinal lehlamah Novak Djokovic leh Jannik Sinner te an intawng thung. Djokovic hian Wimbledon nomawi vawi sarih a lak tawh laiin, world number 1 Sinner erawh All England Club-ah a la champion ngai lo thung a ni.

Alcaraz leh Djokovic te tan Wimbledon final chu boruak thar a ni dawn lo - Sinner leh Fritz te erawh an tlang a nih chuan Wimbledon final an khelh vawi khatna tur a ni thung ang.