Galatasaray leh Osimhen inhnaih

Napoli forward Victor Osimhen chuan Galatasaray a zawm hnai a, club pahnih hi Nigeria international manah inrem tawh mah se, Napoli hi sum chungchangah an hlauthawng leh deuh nia sawi a ni.

Galatasaray hian Osimhen hi euro maktaduai 75-in an ngam a, hei hi Napoli hian an pawm tawh. Mahse, Turkish club hian a man an pe tla ngei thei a ni, tih lantirna an neih leh phawt an ngiat niin an sawi.

Club pahnih hi Osimhen chungchangah hian Milan khawpuiah an indawr mek a, an inbiakfel vat theih a rinawm. Osimhen hian season hmasa kha Galatasaray-ah hian loan-in a khel a, match 41-ah goal 37 khungin, assist vawi riat a nei.

Galatasaray hian Osimhen hi an la lut thei a nih ngat chuan nipui transfer an hmang ṭha tiin a sawi theih ang. Nigerian striker hma hian Bayern Munich aṭangin Leroy Sané chu free transfer-in an la lut tawh.

Hetihlai hian Serie A champion Napoli hian Premier League club dang dawrna pawh an ngaithla tho nia sawi a ni a, coach Antonio Conte-a'n Romelu Lukaku a duh zawk bakah, Liverpool forward Darwin Nunez an rim mek bawk nia sawi a ni.