Jeremy a che chhuak
Mizo rawlthar rit chawi chak Jeremy Lalrinnunga chu Covid-19 do nan a che chhuak, nimin khan chief minister relief rund-ah Rs 30,000 a chhung lut a, pawisa hi a nu leh pa Lalneihtluanga leh Lalmuanpuii te chuan an pe a ni.
India infiammi zinga Youth Olympic gold medal la hmasa ber Jeremy hian an awmna Govt. Complex Local Level Task Force tan Rs 10,000 a lo pe tawh bawk a, social media leh chanchinbu lamah hri leng do kawnga mipui ten kan hlawhpui tur a ti chhuak fo bawk.
Jeremy hi Patiala-ah training neiin a awm mek a, nakkuma neih tur Tokyo Olympic khel turin a dinhmun a ṭha thawkhat tawh hle. Qualifier khelh chhunzawm loa an dinhmun pangngai an ring tlang a nih chuan Japan khawpuiah hian a kal ang.