Hendo-a'n Bees a zawm

Brentford chuan Liverpool capain hlui Jordan Henderson an lalut a, England midfielder hian kum hnih atan contract a ziak.

Kum 35 mi Hendo hian Liverpool-ah kum 12 chhung hun hmangin Premier League, Champions League, FA Cup, League Cup (2), Community Shield, Super Cup leh Club World Cup-ah a champion vek.

July 2023 khan Liverpool tana a khelhpui ṭhin Steven Gerrard a enkawl Saudi Arabian side Al-Ettifaq a zawm a, thla ruk hnuah a contract titawpin Ajax a zawm.

Kar liam ta khan Dutch club Hendo ten contract titawp hma turin inremna an siam a, Brentford a zawm. Bees hian an manager Thomas Frank chu Tottenham lakah an chan a, Frank thlakna turin hmun dang melh loin 'set piece' coach Keith Andrews chu head coach atan an dah nghet.