MVA Tourney

Nizan khan Mizoram Volleyball Association buatsaih MVA Invitation Tournament chu TNT volleyball court, Muanna Vengah khelh ṭan a ni a, vawiin tlaiah khelh chhun-zawm a ni ang. Inkhel hi tlai dar 3:00 a ṭan tur niin match hmasa berah state pawn team pahnih Tripura leh Assam Rifle an inhmachhawn ang a, Manipur leh BSF te an inkhel zui dawn bawk.

Inkhel hnuhnung berah Season Opening champion leh a thlengtu ni bawk TNT leh tualchhung team ṭha Chhinga Veng an inlan ang. Team pahnihte hi kum tir khan an lo inhmachhawn tawh a, TNT-in 3-1 in hnehna an chang, tun ṭumah hian an player ngai ringin champion nawn an tum.

Hetihlai hian Chhinga Veng erawhin hmasawn an tum a, Karnataka state player pathum Shra-van Kumar, Ashwal Rai,Varun GS te chah lutin phuba lak ngei an tum - volleyball ngainatu tan a entlak ang.