Coman a kir lo ang - Ancelotti

Bayern Munich manager Carlo Ancelotti chuan Juventus aṭanga loan hmanga an hawh mek Kingsley Coman chu season tawpah Italy lamah a kir loh tur thu a sawi.

France international hian season hmasa ṭan dawn khan kum hnih chhung atan Juve aṭang-in German champion hi loan-in a zawm a, an inrem dan chuan Bayern hian a nghetin an lalut zui thei ang tih a ni.

Kum 20-a upa Coman hian season hmasa khan Allianz Arena-ah season duhawm a hmang a, inelna hrang hrangah match 35 a khelh aṭangin goal ruk a khung bakah a ṭhiante khung tur vawi 11 a siamsak bawk. Tun season-ah erawh Coman hian goal a la khung loh bakah assist a la nei lo.

Italian manager An-celotti chuan, "Kingsley hi engti kawng mahnin Juventus-ah a kir tawh rih lo ang, ani hi kan hnena cham turin a ṭha tawk. Bayern hi a hmun nghet tur a ni a, hmabak eng tak a nei," tiin a sawi.