Gerrard cham beiseitu LA Galaxy coach

LA Galaxy coach Bruce Arena chuan season tawp ruala an contract tawp tawh tur Steven Gerrard leh Robbie Keane te chu MLS-ah an cham chhunzawm a beisei thu a sawi chhuak.

Liverpool captain hlui Gerrard hi Anfield lamah coaching hna thawk
ṭan turin a kir dawn nia sawi a ni a, Tottenhma star hlui Keane pawh kum ruk chhung a lo chenchilh tawh MLS chhuahsan tura sawi a ni.

Arena chuan, "Stevie leh Robbie te kan nei hi kan tan chuan a hlu a, khawvela player langsar kan kawl thei hi kan vannei hle. US-ah hian hun rei zawk la cham turin ka duh a," tiin a sawi.