Dallas lakah Warriors an lian

NBA Western Confe-rence champion Golden State Warriors chuan nimin khan an mikhual Dallas Mavericks chu 95 - 116 in an hneh. Oracle Arena-a inkhelah Golden State tan Klay Thompson chuan quarter hmasa berah point 18 zet score nghalin a team hma a hruai pui a, chawlhlawk an hman meuh chuan 67-36 in din-hmun
ṭha takah a team a dah.

Inkhel pumpuiah War-riors tan Kevin Durant chuan thawhhlawk ber-in point 28 a score bakah rebounds vawi 10 a la bawk. NBA Most valuable Player Stephen Curry chuan point 24 score-in a thawh hlawk hle bawk. American guard Curry hian a ke a bilh avangin lakchhuah ngai mah se hliam tenau a nih avangin inkhelh tawp lamah a inlan leh thei.

American star Durant-a'n a zawnin NBA match 72 chhung zet chu point 20 a score tling ziah a, Michael Jordan nen an record hi a intluk mek. A tluk loh chu Oscar Robertson (79) leh Wilt Chamberlain (92) te chiah an ni tawh.

Golden State Warriors hian tun regular season kal mekah match riat khel tawhin vawi hnih chak loh an nei tawh a, ṭum ruk an chak thung - tukin dar 7:30 hian Denver Nuggets nen an inhmachhawn leh a ni.