Chanmari tan chak a ngai
Vawiin hian Flying Christabel Mizoram Premier League Under 18 chu league round khelh zawh a ni dawn a, semifinal lut turin Chanmari FC tan Ai-zawl FC lakah chak ngei ngei a ngai. Bethlehem VT tan a sang pali zinga tel turin Zo United laka point khat hmuh belh a tawk thung.
Chawhma dar 10:0-ah table-a pathumna Aizawl FC leh pangana Chanmari FC an inhmachhawn dawn a, an inhnehtawk a nih chuan AFC an tlang dawn - an chak lo a nih erawh chuan team pahnih intawn tawhna result en tur a nih avangin CFC an tlang thung ang.
Inkhel hnuhnung zawka inhmachhawn tur Zo United tan inkhel awmze nei tawh lo a nih laiin Bethlehem VT tan chak loh ngawt a thiang lo. Semifinal lehlamah Chanmari-in Aizawl FC lakah point khat an hlawh chhuak a nih chuan point-ah BVT an nih rual dawn a, head to head en tur a nih avangin CFC an tlang zawk dawn. Hei vang hian semifinal lut chiang tur chuan BVT hian point hmuh belh ngei an mamawh - an dinhmun tur chu an kutah a innghat.
Nimin khan semifinal beiseina nei tawh lo Ram-hlun North leh Dinthar an inhmachhawn a, match sarih an khelh aṭanga a vawi hnih nan Ramhlun North 2-1 in an chak; Dinthar erawhin chak ni hmel an hmu ta lo a, point khat hmuin table mawngphahah an awm.
Inkhel hnuhnung zawkah a zawna match ruk chhung hnehna chang tawh Chhinga Veng FC chu an hnuai chiaha awm Chanmari West-in 1-1 an chelh, anni pahnih hian semifinal an lut chiang tawh.
Nimin Inkhel Results
Ramhlun North FC 2 - 1 Dinthar FC
RNFC : Lalrintluanga 30'; David Malsawmtluanga 75'
DFC Isaak Malsawmtluanga 24'
Chanmari West FC 1 - 1 Chhinga Veng FC
CFC : Lalenkawla 16'
CVFC : F. Lalnuntluanga 26'
Vawiin Inkhel Tur
10:00 AM Aizawl FC Vs Chanmari FC
12:00 AM Bethlehem VT Vs Zo United FC
Team Dinhmun
# Team Pld W D L GF GA GD Pts
1 Chhinga Veng FC 7 6 1 0 20 4 16 19
2 Chanmari West FC 7 4 2 1 32 7 25 14
3 Aizawl FC 6 4 0 2 11 3 8 12
4 Bethlehem VT 6 3 1 2 11 10 1 10
5 Chanmari FC 6 3 0 3 7 14 -7 9
6 Zo United 6 1 1 4 5 19 -14 4
7 Ramhlun North FC 7 2 0 5 5 14 -9 6
8 Dinthar FC 7 0 1 6 4 24 -20 1