Foxes-in manager thar nei

Premier League aṭanga tla hlim Leicester City pawhin coach thar an nei ve leh ta a, Queens Park Rangers head coach hlui Marti Cifuentes chu kum thum chhung atan inremna an neihpui.

Kum 43 mi manager hian King Power Stadium-ah hian Ruud van Nistelrooy a thlak dawn a, Premier League-a Foxes hruai kir tura hnathawh chu a tum ber tur a ni ang.

Foxes hian kum hnih chhungin manager nghet paruk an neihna chiah a ni a, kum thum chhungin Championship-ah vawi hnih an tla hman bawk!

Spanish manager Cifuentes hian European top five league-ah club enkawl a la nei ngai lo a, a chhuahsan tak QPR hi October 2023 khan enkawl ṭanin, relegate thei dinhmuna ding kha a chhanhim a, season hnih a kharpuiah, 18 leh 15-na niin season a khar.

Foxes chairman Aiyawatt Srivaddhanaprabha chuan, "Kan hmaa hlawhtlinna kan beisei hi min hlawhtlinpui kan ring tlat a ni," a ti a, Cifuentes chuan, "Club ropui, sulhnu nei ṭha tak a ni a, club-in bung thar a kai tura tel ve tura sawm ka ni hi ka lawm hle," a ti ve bawk.