Perrone-a'n Man City chhuahsan

Manchester City midfielder Maximo Perrone chuan Premier League club chhuahsanin, season hmasaa loan-a a khelhna, Serie A club Como a zawm a, a man hi euro maktaduai 15 a ni.

Kum 22 mi Perrone hian kum li chhung atan contract a ziak a, City hian an duh chuan lei let theihna dan an nei a, Como hian an hralh a nih chuan a hralhna aṭangin 30% an chang bawk ang.

Argentine defensive midfielder hian an ram club Vélez Sarsfield-ah a professional zinkawng zawh ṭanin, kum 2022 khan City hi a zawm a, mahse, match hnih chiah a inlansak hman.

Perrone hian La Liga club Las Palmas-ah loan-in a khel tawh a, Como-ah hian season hmasa kha loan thoa khelin, malpui hliam vangin buai mah se, match 26 a khel hman a, assist vawi thum a nei bawk.