Cricket coach hmasawn dan tur sawi ho

Cricket Association of Mizoram leh Samagra Shiksha School te thawhdunna kal zelah nimin khan Samagra School coach te nen meeting neih a ni.

Inhmuhkhawmah hian Samagra School hnuaia head coach leh assistant coach ruat thar te thu pawimawh inhrilhhriatna leh thusawi hona neih a ni. Samagra School kaltlanga CAM coach te chungah beiseina leh ṭul te inhrilhhriat a nih bakah coach, school lam hotute leh CAM hruaitu te'n thil pawimawh hrang hrang te sawi hoin, rawtna leh hmalak dan tur te sawi ho a ni bawk.

CAM calendar a tarlan tawh angin Inter Samagra School Tournament hi November-ah neih a ni dawn a, hetah hian mipa leh hmeichhia a hrangin an inel ang.

Tunah hian Aizawl khawchhunga school 10 leh district capital hmun/school pathumah grassroot school cricket hi kalpui mek a ni a, thawhhonaah hian CAM chuan a vaiin senso hi a tum a ni.